Notas de Abril do 2013 na comarca do Ortegal

1-04-2013 praia de Esteiro: unha femia de azor caza unha gaivota patiamarela e a come na plaia. (Antonio Martínez)

 

3-04-2013 Barbos: 1 ex. de millafre negro (Milvus migrans) polos campos de Barbos.(Ricardo Hevia)

4-04-2013 Garita de Bares: primeiros 4 ♂ de pedreiro cincento(Oenanthe oenanthe ) do paso prenupcial alimentándose pola pista da Garita.( Antonio Martínez)

4-04-2013 Praia de Cariño: primeiros 8 pilros comúns (Calidris alpina) nupciais pola praia de Cariño. Tamén 3 ♂de pedreiro cincento (Oenanthe oenanthe ) e a primeira Lavandeira amarela(Motacilla flava iberiae) Ricardo Hevia.

7-04-2013 Estaca de Bares: polo menos dous arroás moi preto da costa dirección oeste (Antonio Martínez)

8-04-2013 Ria do Barqueiro: entran na ría tres arroás (Tursiops truncatus) con síntomas de esgotamento estrés e algunhas feridas, posiblemente producidas por teren algún altercado con algunha arte de pesca, polo que dous dos exemplares (unha femia adulta + 1 xoven) non facían máis que arrimarse a orilla e varar mentres que outra femia adulta o evitaba empurrandoos e interpoñéndose entre eles e o areal. Neste caso os exemplares conseguiron recuperarse aparentemente, e a media tarde lograban sair da ría con certa vitalidade, polo que é de esperar que poidan recuperarse.

9-04-2013 praia de Esteiro: 1 ex. de xiropato (Morchella. esculenta var. dunensis)Antonio Martínez.

10-04-2013 Praia de Esteiro: 1 exem. de papamoscas negro (Ficedula hypoleuca) alimentándose no pinar, tamén primeiras picas das árbores (Anthus trivialis) realizando voos nupciais. (Antonio Martínez)

10-04-2013 praia de Morouzos: un total de 9 pedreiros cincentos polas dunas da praia. tamén están floreadas a flores da araña (Ophrys araneola) Antonio Martínez.

12-04-2013 Serra da Capelada: primeiro merlo do papo branco (Turdus torquatus) do paso prenupcial pola comarca e 1 ex. de millafre negro (Milvus migrans) Ricardo Hevia.
 

12-04-2013 Praia de Morouzos: 2 ex. de xiropato (Morchella. esculenta var. dunensis)Antonio Martínez e Ricardo Hevia

14-04-2013 Serra da Capelada: polo limo 1 merlo do papo branco (Turdus torquatus) 1 ex. de millafre negro (Milvus migrans) e 8 picas dos prados (Anthus pratensis) algo tardías , pola Herbeira 2 merlos máis (posiblemente os mesmos que antes mirara Alberto Monteagudo) e unha pica de Richard (Anthus richardi) voando cara o norte e reclamando. Segue floreando algunha xanzá (Gentiana verna). (Ricardo Hevia e Antonio Martínez)

14.04-2013 Serra da Capelada:pola Herbeira 2 merlos do papo branco (Turdus torquatus) Alberto Monteagudo,

15.04-2013 Serra da Capelada: polo limo 1 merlo do papo branco (Turdus torquatus) e 4 machos de pedreiro gris (Oenanthe oenenthe) Ricardo Hevia.

15-04-2013 Bares: pola garita de Bares 12 machos de pedreiro cincento (Oenanthe oenanthe ) pola Estaca a primeira lavandeira amarela (Motacilla flava) macho, de tempada pola zona. (Antonio Martínez)

15-04-2013 O Barqueiro: un ex. de bubela (Upupa epops)alimentándose nunha zona de horta (Antonio Martínez)

16-04-2013 Serra da Capelada:. pola Herbeira 2 merlos do papo branco (Turdus torquatus) Ricardo Hevia.

17-04-2013 Serra da Faladoira: a media mañá primeiros boitres leonados do ano pola serra da Faladoira, 21 ex. comendo os restos dunha vaca. (Antonio Martínez)

17-04-2013 Serra da Capelada: 1 ex. de merlo do papo branco (Turdus torquatus) Ricardo Hevia e David Calleja.

17-04-2013 Serra da Faladoira: pola tarde un total de 40 ex. de voitre leonado pola serra. (Ricardo Hevia)

21-04-2013 Serra da Capelada:21 ex. de voitre leonado (Gyps fulvus) e un exemplar de Voitre branco (Neophron percnopterus) aparentemente adulto (Ricardo Hevia)

21-04.2013 Pedreiros cincentos (Oenanthe oenanthe): 6 ex. na garita de Bares. 4 ex. no porto de Bares. 5 ex. en Ladrido.

21-04-2013 San Claudio: 1 ex de terreira común (Calandrella brachydactyla) alimentándose por unhos prados preto do campo de fútbol de S. Claudio. (primeira cita para a comarca) Antonio Martínez.

22-04-2013 San Claudio: continua 1 ex de terreira común Calandrella brachydactyla alimentándose polos prados preto do campo de fútbol de S. Claudio (Antonio martínez e Ricardo Hevia)

Notas de Marzo na comarca do Ortegal

2-03-2013 / Ría de Ortigueira: 1 ex. de Cigoña blanca. (Ciconia ciconia). continúan os tres patos brancos (Tardona tardona)

3-03-2013 / praia de Cariño: continúa o ex. prim.inverno de gaivota cáspica (Larus cachinnans) que está a invernar pola zona (Antonio Gutiérrez)

6-03.2013 / Praia de Bares: 1 ex. de prim.inverno de gaivota cáspica (Larus cachinnans) Antonio Martínez.

7-03.2013 / Praia de Bares: 1 ex. de gaivota arxentea norteña (Larus argentatus argentatus) un fermoso exemplar que estivo na praia do Matadoiro, Suevos (Arteixo) dende o 6 o 27 de Febreiro. Continua, 1 ex. de prim.inverno de gaivota cáspica (Larus cachinnans) Antonio Martínez.

8-03-2013 / Cabo Ortegal: 1 macho cantor de merlo azul (Monticola solitarius)e continúa polo menos un ex. de azulenta alpina (Prunella collaris) Ricardo Hevia.

8-03-2013 / O Barqueiro: escoitado o primeiro picafollas ibérico  (Phylloscopus ibericus) do ano. Tamén a primeira rula de fóra (Streptopelia decaocto) Antonio Martínez.

10-03-2013 / praia de Cariño: 2 Ex. de gaivota arxentea (L.argentatus) Ricardo Hevia.

10-03.2013 / Praia de Esteiro: 1 ex. adulto de gaivota arxentea (Larus argentatus) anelado como femia adulta o 25.5.2009 en Ty Coed, Vale Marais, GUERNSEY ( Paul Veron). Antonio Martínez.

11-03-2013 / praia de Cariño: continúa o ex. prim.inverno de gaivota cáspica (Larus cachinnans) que está a invernar pola zona (Ricardo Hevia)

13-03-2013 / praia de Cariño: continúa o ex. prim.inverno de gaivota cáspica (Larus cachinnans) que está a invernar pola zona, tamén unha gaivota tridáctila adulta sedimentada na praia. (Fernando Pereiras)


14-03.2013 / Praia de Bares: reapareceu o ex. de gaivota arxentea norteña (Larus argentatus argentatus) un fermoso exemplar que pasou na praia do Matadoiro, Suevos (Arteixo) dende o 6 o 27 de Febreiro (Antonio Martínez)

15-03-2013 / A capelada: primeiro ex. de anduriña (Hirundo rustica) Ricardo Hevia.


15-03-2013 / O Barqueiro: primeira anduriña (Hirundo rustica) do ano polo Barqueiro, tamén 1 ex de anduriña das barreiras (Riparia riparia) Antonio Martínez.


15-03-2013 / A capelada: xa andan en flor as xanzás (Gentiana verna) Xermán García Romai e Rafael López Loureiro.


17-03-2013 / Ría de Ortigueira: Aguia peixeira(Pandion haliaetus) pescando pola ría. (Oscar Llama)

21-03-2013 / Serra da Capelada: 3 ex. de escreibenta das neves (Plectrophenax nivalis) alimentándose pola vixía Herbeira. (Ricardo Hevia)

23-03-2013 / Cabo Ortegal: una parexa de merlo azul (Monticola solitarius) alimentándose polo cantil.(Ricardo Hevia, Manolo Carregal, Graciela Fernández e Antonio Martínez)
23-03-2013 / Peirao de Cariño: 2 ex. de Pilro escuro (Calidris maritima) Ricardo Hevia e Antonio Martínez.


23-03-2013 / Cabo Ortegal: 3 exemplares de Primula veris en flor (Antonio Martínez e Ricardo Hevia)


24-03-2013 / Estaca de Bares: 2 horas de obs. furabuncos (24 Puffinus mauretanicus, 4 Calonectris diomedea,8 Puffinus puffinus, 1 Puffinus griseus) 2 ex. de papamerdas (Stercorarius skua + Stercorarius parasiticus) 2 carraos comúns (Sterna hirundo) 120 álcidos. (Ricardo Hevia, Alfonso Valderas e Antonio Martínez)


25-03-2013 / Ría de Ortigueira: aguia peixeira pescando pola ría (Ricardo Hevia)

 

25-03-2013 / Cariño: unhos 60 pentumeiroscomúns (Melanita nigra) frente o porto de Cariño (Ricardo Hevia)

28-03-2012 / Ría do Barqueiro: 42 carraos (Sterna sandvicensis) na praia do porto do Vicedo. (Alfonso Valderas)

Familia Scolopacidae

Pilro gordo (Calidris canutus)

Invernante na ría de Ortigueira e frecuente nos pasos migratorios especialmente no postnupcial. (Fotografía de Álvaro Polo)



Pilro bulebule (Calidris alba)

Invernante escaso, común en ambos pasos migratorios, con máis efectivos no postnupcial.





Pilro ferruxento (Calidris ferruginea)

Escaso en ambos pasos.(Fotografía de Álvaro Polo)




Pilro escuro (Calidris maritima)

Inverna un pequeno grupo 10-15 aves no espigón de Cariño, entre novembro e maio. (Fotografía de Rafael López Loureiro Ao noroeste do Noroeste)

Pilro común (Calidris alpina)

Común nos pasos, como invernante está a sufrir unha importante regresión pasando de invernar máis dun milleiro na ría de Ortigueira a os 300-400 exem.actuais.

Pilro pequeno (Calidris minuta)

Especie moi escasa nos pasos migratorios. (Fotografía de Álvaro Polo)


Liorteiro (Philomachus pugnax) 

Citas esporádicas en paso na comarca. (Fotografía de Álvaro Polo)

Becacina pequena (Lymnocryptes minimus)

Aínda que escasa na comarca, é regular como invernante escaso na ría (Barbos-Morouzos). (Fotografía de Pablo gutierrez, travelling birds)


Becacina (Gallinago gallinago)

Común como invernante, aumentando notablemente nas olas de frío. (Fotografía de Álvaro Polo)



Arcea (Scolopax rusticola)

Escasa pero regular como invernante. (Fotografía de Álvaro Polo)



Mazarico rabinegro (Limosa limosa)

Escasa en paso e como invernante.

Mazarico rubio (Limosa lapponica)

Moito máis abundante que limosa limosa,tanto en paso como na invernada.

Mazarico chiador (Numenius phaeopus)

abundante en ambos pasos e común durante o inverno.

Mazarico real (Numenius arquata)

Inverna un grupo dunhos 600 ex. na ría de Ortigueira con algúns veraneantes. Muy raro fora da ría.(Fotografía de Álvaro Polo)a fotografía non está feita por España.



Bilurico bailón (Actitis hypoleucos)

Frecuente como invernante na comarca.

Bilurico alinegro (Tringa ochropus)

Moi escaso nos pasos migratorios. (Fotografía de Álvaro Polo)



Bilurico escuro (Tringa erythropus)

Moi escaso en ambos pasos e invernan 1-2 ex. todolos anos na ría de Ortigueira.

Bilurico maculado (Actitis macularius)

Accidental. Unha cita de Alvaro Polo dun ex. que estivo dende outubro do 2005 ata abril do 2006. (Fotografía de Álvaro Polo)



Bilurico claro (Tringa nebularia)

Común en paso e como invernante



Bilurico pintado (Tringa glareola)

Moi raro, unha cita de Ricardo Hevia en septembro do 2008 na plaia de Cariño e outra en Ladrido (Ría de Ortigueira) de Luis José Salaverri Leiras (Fotografía de Ricardo Hevia)

Bilurico patirrubio (Tringa totanus)

Común en paso e como invernante.

Bilurico pariamarelo grande (Tringa melanoleuca)

un ex. dende o 25-11-2000, atopado por Luis Salaverri, o mesmo exemplar que 20 días antes encontraran na laguna da Frouxeira,Pablo Gutierrez, Pablo Pita e Edmundo Fraga. (fotografía do grupo sterna)

Virapedras (Arenaria interpres)

común en paso principalmente no postnupcial e menos frecuente como invernante, aínda que un pequeno grupo inverna en Cariño.

Falaropo bicogroso (Phalaropus fulicarius)

Regular en paso na Estaca de Bares entre agosto y decembro, con entradas a veces nos portos con fortes temporales de mar.

Bartramia longicauda

Accidental. Tan só unha cita de Ricardo Hevia e miña no aparcadoiro do observatorio da Estaca de Bares.

Moitas gracias a Pablo Gutiérrez, Antonio Gutiérrez, Ricardo Hevia, Rafael L.Loureiro e a Álvaro Polo por me prestar parte das fotografías, moitas delas de especies moi escasas nesta comarca, polo que non é doado podelas afotar, a Álvaro en especial porque tivo que remexer no seu inmenso arquivo de fotos da era analóxica, e preperarmas para poder metelas nesta lista.

E a Ricardo por axudarme sempre coas listas de páxaros.

Mil gracias.